ज्याच्या उजव्याबाजूस शेषावतारी लक्ष्मण, डाव्या बाजूस लक्ष्मीस्वरूप सीता उभे आहेत; ज्याला रुद्राचा अंश पवनपुत्र हनुमान वंदन करतो आहे; अशा या रघुकुलाच्या उद्धारकर्त्याला, विश्वाच्या रक्षणकर्त्या व पालनकर्त्या श्रीविष्णूंच्या अवताराला म्हणजे प्रभू श्रीरामचंद्रांना माझा प्रणाम!

 

 

 

रामायण! या भरतभूचा जाज्वल्य इतिहास! या इतिहासाची साक्ष देणाऱ्या असंख्य खुणा संपूर्ण जगभर आढळतात. रामकथा आपल्याला आदर्शत्वाचा संस्कार देते. यातील पात्र आपल्याला आदर्श जीवन कसे जगावे याचा संदेश देतात.

 

या कथेचे नायक मर्यादा पुरुषोत्तम श्रीरामचंद्र यांचं व्यक्तीमत्त्व म्हणजे आदर्श पुत्र, शिष्य, पति, योद्धा, राज्यकर्ता या सर्व पैलूंचा उत्तम संगम ! पितृ आज्ञेचे पालन करून त्याने पितृऋणांची जाण ठेवली. रावणासोबतच्या युद्धाच्या सिद्धतेमध्ये श्रीरामांचे नेतृत्व, समाजातील सर्व घटकांना आपल्या कार्यात सहभागी करून घेण्याची वृत्ती या गुणांचे दर्शन घडते. रामचंद्रांचे हे गुण प्रत्येकाने आत्मसाथ करण्याजोगे आहेत. सध्या पालकांची मुलांविषयी तक्रार असते की ते त्यांची आज्ञा पाळत नाहीत. रामकथेचा संस्कार जर पोहचवला तर ही स्थिती नक्की बदलेल.

 

सीतेच्या जीवनातूनच रामाचे जीवन घडते. म्हणून जर राम घडवायचा असेल, तर आधी सीता घडवली पाहिजे! सीतामातेच्या धैर्य, चारित्र्य, सत्वशीलता, पतिनिष्ठा या गुणांचा प्रत्यय रामकथेतून येतो. संसारूपी रथाला पती आणि पत्नी ही दोन चाकं असतात. दोन्हीही चाकं नीट चालली तरच रथ सुरळीत चालू शकतो. श्रीरामांसोबत वनवास पत्करून सीतामातेने हाच संदेश दिला आहे. राजसुख आणि पती यांच्यातील एकाचीच निवड करण्याचा प्रसंग आल्यावर तिने